என் மனைவிக்காக..

இதுவரை எந்த பிறந்தநாளும் என்னை இந்தவரை பாதித்தது இல்லை, இந்த வருடமே எனக்கு புதிய வருடம் தான். கண்டிப்பாக.

எனக்கு திருமணம் முடித்து கிட்டத்தட்ட 6 வருடங்கள் ஆனாலும் இந்த வருடத்தை என்னால் மறக்க முடியாது காரணம் என் உயிர் நீ உன்னை முழுமையாய் புரிந்துகொண்டேன், ஆம் உன்னை புரிந்துகொண்டது இந்த வருடத்தில் தான், உணக்குமே சந்தேகம் எலலாம் இப்போது தான் என்னை புரிந்துகொண்டாயா என, ஆம் இப்போது தான்.

எவ்வளவு மாற்றங்கள், நானும் மாறிவிட்டேன், எனக்காக நீயும் மாறிவிட்டாய். இது தான் உண்மையான காதலா என்று யோசிக்க தோன்றுகிறது.

ஒன்று மட்டும் உண்மை, உன்னை உண்மையாக காதலிக்கிறேன், முன்பெல்லாம் சொல்லிய காதல் வார்த்தைகளுக்கும், காதல் கடிதங்களுக்கும் இதற்கும் உள்ள வித்தியாசம் உனக்கு புரியும். எனக்கு கிடைத்த மிகப்பெரும் சொத்து நீ.

உனக்காக தான் வாழ்கிறேன், உனக்காக மட்டும் தான் வாழ்கிறேன்.

மனைவியை காதலியுங்கள் எல்லையின்றி காதலியுங்கள், ஒளிவு மறைவின்றி வெளிப்படையாக காதலியுங்கள், உங்கள் உறவினர்கள் முன்பு அவர்களை விடுக்கொடுக்காதீர்கள். அதை தான் உங்கள் அம்மாவும் விரும்புவார்கள் உங்கள் சகோதரிகளும் விரும்புவார்கள் காரணம் அவர்களும் ஒருவருக்கு மனைவியே.

புதிதாய் பிறக்கிறேன், உனக்காக… மறக்கமுடியாத இன்ப அதிர்ச்சிகளை கண்டிப்பாக நான் எதிர்பார்க்கவில்லை.

காதலுடன் என்றும் உனக்காக, உன் நான். ❤️❤️